Gjithmonë dhe më shumë vëmendja e institucioneve qëndrore dhe lokale po kthehet drejt monumenteve historike, kësaj trashëgimie të vyer që tërheq vëmendjen e vizitorëve vendas dhe të huaj por që tregon edhe identitetin tonë kombëtar i cili duhet ruajtur si thesar i vyer.Ajo që të bën më shumë përshtypje është tërheqja e vëmendjes së të rinjve drejt kësaj trashëgimie si një mundësi më shumë për të ruajtur këto vlera.
Nën siglën " Kalaja e qytetit tim " një projekt që synon ndërgjegjësimin e të rinjve jo vetëm për ruajtjen e vlerave të trashëgimisë, por edhe të promocionit të tyre ka mbledhur në një konkurs esesh të rinj nga qytetet e Gjirokastrës, Libohovës, Beratit, Tepelenës dhe Përmetit. Kalaja në katër nga këto qytete mbetet një nga monumentet qëndrore që tërheq vëmendjen e shumë vizitorëve. Ndërkohë dy nga kalatë siç është ajo e Beratit dhe Tepelenës janë të banuara, çka e bën më emergjente kujdesin ndaj tyre si në drejtim të restaurimit, ashtu edhe në drejtim të ruajtjes së mjedisit.Si rezultat në përfundim të këtij konkursi erdhën tre elementë të rëndësishëm. Esese kushtuar kalave të katër qyteteve, një ambient më i pastër dhe sigurisht edhe një fletë palosje kushtuar këtyre monumenteve e veçanërisht asaj te Tepelenës, kalaja ku dikur eshte pritur si mik edhe poeti anglez Lord Bajroni.E vërteta është se ne si komb ende posedojmë një pasuri të jashtëzakonshme të ardhur ndër vite, dhe nëse do të kërkojmë të mbahemi mend edhe ne në brezat që vijnë do të duhet të kontribuojmë në ruajtjen e kësaj pasurie pasi në këtë mënyre ruajmë identitetin tonë.
No comments:
Post a Comment