Me rritjen e temperaturave Drejtoria e Autoritetit të Kontrollit Ushqimor në Gjirokastër, ka nisur punën që prej muajit maj me inspektimin e 45 subjekteve, ndërkohë po sipas kësaj drejtorie numri i tyre në muajin korrik pritet të arrijë deri në 60 subjekte .Pjesë e inspektimeve për të kontrolluar qumshtin dhe nënproduktet e tij kanë qenë edhe inspektimet në 16 baxho ,
ku është parë mënyra e depozitimit të tyre dhe ruajtjen në kushtet e caktuara.Zilfo Frengu ,inspektor në sektorin e shërbimit veterinar pranë Drejtorisë së Autoritetit te Kontrollit Ushqimor në Gjirokastër, thotë se inspektimet janë bërë në 3 drejtime, në bazë të shërbimit ushqimor,veterinar, dhe laboratorik .Gjatë monitorimit janë marrë mostra të produkteve ushqimore ,ku gjithçka ka rezultuar në parametrat e lejuara për konsum.Gjatë inspektimeve të bëra në tre muajt e fundit në subjektet ushqimore në Gjirokastër ,Përmet dhe Tepelenë janë bërë vërejtje ,të cilat janë lënë si detyra shtëpie për çdo subjekt, por inspektorët bëjne me dije se ndaj tyre nuk është marrë asnjë masë administrative ose e njohur ndryshe gjoba .Ndërkohë AKU i tërheq vëmëndjen konsumatorit duke i bërë thirrje të jetë shumë i kujdesshëm për produktet që konsumon sidomos gjatë stinës së nxehtë, pasi duhet te plotesoje fillimisht standartet e nevojshme të tregëtimit dhe mbi të gjitha të jetë brenda afatit të skadencës.
No comments:
Post a Comment