13 March 2015

Gjirokastër, PD në kërkim të një kandidati



Partia Demokratike dega Gjirokastër u shfaq shumë besimplotë në fitoren e saj në 21 Qershor. Sipas kreut të saj Roland Bejko janë tre shtyllat e besimit njëra fakti se bashkisë Gjirokastër i bashkohet Lazarati dhe Komuna Picar që njihen si komuna të djathta,  e dyta kandidatët e zgjedhur prej saj  dhe e treta abuzimi i pushtetit nga socialistët.
Në të dyja pikat e para besimi i demokratëve mund të lëkundet,  dhe konkretisht për shkak edhe të hetimit për cështjen e famëshme të prodhimit dhe kultivimit të hashashit pjesa me e mirë e votuesve në fshatin demokrat nuk gjenden më në fshat dhe vështirë të kthehen vetëm për të votuar ,thënë kjo nga vet Bejko në Emisionin Stop në Channel 7 “ ku këmbënguli se po kërkohet nga mazhoranca shpopullimi i Lazaratit vetëm për zgjedhjet lokale . Nëse do të ndalemi në pikën e dytë në emrat e përzgjedhur për garën e bashkisë Gjirokastër si Abaz Aliko, Alie Kokalari, Antoneta Dema, Dashmir Aliko, Igli Kokalari, Mimoza Como, Ylli Asllani, Robert Asqeri, Valentina Hyskaj  etj ndër to nuk shihet ndonjë element i ri që nuk është figurë e konsumuar, cka do të thotë se PD nuk është se në këto zgjedhje vjen të thotë dicka të re dicka që nuk e ka thënë më parë. Në historinë e zgjedhjeve në bashkinë Gjirokastër nuk mungojnë shembujt ku Gjirokastra  ka votuar emrin e Zgjedhur dhe jo logon e parties, cka do të thotë se zgjedhja e kandidatit është shumë e rëndësishme. A sjell favor mungesa e Flamur Bimes për PD ? Edhe pse Bejko në fjalën e tij tha se “edhe nësë do të ishte Bime në garë  ne do të fitonim” , të bën të kuptosh se PD i trembej potencialit të tij i cili për hir të statistikave në mandatin e tretë morri më shumë vota se në mandatin e parë por edhe atë të dytë . A ka bazë besimi i PD”?  Nëse do të këmbëngulim tek statistikat PD mund të ketë një farë favori në bashkinë Libohovë dhe në Dropull . Në bashkinë minoritare në zgjedhjet parlamentare PD si asnjë herë tjetër u rendit e dyta pas LSI dhe PBDNJ e treta ndërsa PS në një rezultat mjaft negative forcë e katërt. Fakti se dy minoritarët Tavo e Ksera tregon potencilin e vet nga ku fitues rezultoi Tavo dhe mbi të gjitha fakti që mazhoraca i ka dhënë fushë të lirë PBDNJ, atëherë bën të bindesh se nëse Ksera vijon t’i ketë mbështetësit e tij  PD mund të rezultojë fituese në këtë bashki.

No comments:

Post a Comment