Tepelenë, qytetarët denoncojnë postën për faturat e energjisë elektrike.

Pagesa e energjisë elektrike është kthyer në ankth për ata qytetarë që punojnë në administratën shtetërore  pas urdhërit të kryeministrit, “Të punosh në shtet do të thotë që duhet të jesh i rregullt me pagesat e faturave”. Denoncimi i rradhës vjen nga një qytetare e qytetit të Tepelenës, e cila edhe pse e ka paguar cdo faturë rezulton debitore pikërisht në muajin Dhjetor të vitit 2012.  Është i njëjti problem që është shfaqur në të gjithë vendin ku shumë qytetar që kanë paguar faturat e energjisë elektrike pranë zyrave të postës shqiptare nuk rezultojnë në sistem nga OSHEE-ja. E shqetësuar për vendin e punës ajo thekson se ky problem nuk po gjen ende zgjidhje edhe pse disponon te gjitha dokumentat që vërtetojnë se shuma prej 5 mijë lekësh është paguar prej saj.Rastet e qytetarëve që rezultojnë debitore në zyrat e OSHEE-së janë të ndryshme, por problematika e pagesës së faturave  është e njëjtë. Një tjetër qytetarë nga qyteti i Memaliajt shpjegon kalvarin që duhet të kalojë për të paguar debinë që disponon.Të paguash faturat e energjisë elektrike dhe të rezultosh debitor ka qenë subjekti i dhjetra qytetarëve pranë zyrave të Postës Shqiptare. Pavarësisht se të gjitha pagesat janë kryer, është ende e paqartë përse konsumatorët e energjisë elektrike  kanë rezultuar debitore. Për rastet në fjalë OSHEE-ja deklaroi se nuk do të penalizohen, e me gjithë këtë kjo gjë nuk është ndalur këtu.