31 January 2015

Gjirokaster,permbytje dhe mungese energjie

Përmbytje dhe mungesë e energjië elektrike ka qenë panorama e djeshme për qytetin e Gjirokastrës. Moti I keq me rreshje të dendura shiu ka shkaktuar probleme të mëdha për qytetin e gurtë ku ka patur bllokim të rrugëve ndërkohë në disa pjesë edhe shkarje dherash. Sipas bashkiakut Flamur Bime situata paraqitet problematika në disa lagje si pasojë e daljes nga shtrati e 5 përrenjëve që përshkojnë këtë qytet, si dhe në rrugën nacionale Virua-Gjirokastrës për shkak të daljes nga shtrati te lumit Drino.Në pikën e Viroit si asnjë herë tjetër rruga nacionale ishte njësh me ujin e liqenit duke e bërë të pakalueshëm këtë aks.Po sipas tij nëse moti I keq do të vazhdojë kjo situatë do të pasohet nga probleme më të mëdha.Edhe për prefekten e qarkut Gjirokastër Zamira Rami situata paraqitet problematike vecanërisht për rrethin e Gjirokastrës, ndërkohë që në rrethin e Përmetit dhe Tepelenës ka patur vetëm bllokim të rrugëve për shkak të rrëzimit të pemëve. Po sipas saj janë marrë të gjitha masat për të përballuar këtë situatë falë edhe bashkëpunimit me struktura të tjera përkatëse për emergjencat civile. Mungesë e energjisë elektrike ,rrugë të pakalueshme ,toka të përmbytura është një panoramë që përsëritet vazhdimisht në Gjirokastër e cuditërisht të gjitha autoritet flasin për masa të marra pikërisht atëherë kur situate të del jashtë kontrollit.

No comments:

Post a Comment