18 May 2015

STUDIMI I ISP, JA CILAT JANË ZONAT KU PRITET TË SHËNOHEN INCIDENTE ELEKTORALE

Instituti i Studimeve politike, ka publikuar një studim për njësitë administrative të cilat mund të shfaqin problematika gjatë procesit elektoral. Studimi është bazuar në katër kopmponentë të cilët mund të rrezikojnë procesin zgjedhor sipas zonave përkatës:


-Cilësinë e kandidatëve

-Financimin elektoral

-Diferencën në rezultat

-Problematika lokale

Vlerësimi i riskut është vlerësuar nga 1-10 pikë, që përbën riskun maksimal.

Mbi koeficientin 6 (që është relativisht i lartë, është renditur gara për zgjedhjen e kryetarit të ri të bashkisë në Himarë, Tepelenë, Pogradec, Kavajë, Krujë, Kurbin, Lezhë, Malsi e Madhe, Fier dhe sidomos Kamëz.Nga bashkitë e mëdha probleme pritet të shfaqen në Durrës (konkurrim i ashpër elektoral dhe mundësi e madhe e përdorimit të kapitalit informal financiar në fushatë), në dy bashkitë e jugut, Gjirokastër e Sarandë, në Berat dhe Kukës, kryesisht për të njëjtat motive.Sipas gjetjeve të studimit parashikohet se  gara elektorale në Durrës, Kamëz apo Malsi e Madhe, do të shënohen  kryesisht incidente midis militantëve apo ankesa për ndërhyrje abuzuese në listat e zgjedhësve.Probleme janë kontastuar edhe në rrethe të tjera me risk, si për shembull, në Fier, Kurbin, Krujë, Gjirokastër, Kukës, etj, kryesisht në përpjekjet e partive të caktuara për të krijuar favore elektorale ose përmes presionit ndaj kandidatëve të tretë, partive jashtë koalicionit apo vetë komuniteteve kritike lokale me partitë respektive.

No comments:

Post a Comment