Pesë
ditë pas hyrjes në fuqi të paketës fiskale, në treg ka nisur rritja e çmimeve
të mallrave me akcizë si karburante dhe cigare. Nga një vëzhgim normal në treg
konstatohet një rritje e çmimit të karburanteve deri në 6 leke për litër në
disa prej pikave të shitjes me pakicë. Kështu, nëse javën e kaluar, në mbyllje
të muajit dhjetor, një litër naftë është tregtuar nga 183 deri në 188 lekë për
litër, aktualisht çmimi luhatet nga 183 deri në 193 lekë për litër.
Rritje të
beftë ka pësuar edhe çmimi i benzinës. Kështu nga 187-188 lekë për litër
që është tregtuar një javë më parë, këtë fillim Janari benzina është shitur me
187- 199 lekë për litër. Rritja e çmimit te karburanteve nuk mund t’i faturohet
paketës fiskale, pasi ne baze te ligjit, kompanitë e karburanteve duhet te kenë
krijuar rezerva dhe rritja nuk mund te reflektohet menjëherë.E njëjta situate
paraqitet edhe në tregun e shitjes me pakicë të cigareve. Në disa pika të
shitjes me pakicë , paketat e cigareve janë shtrenjtuar me 30 lekë. Deri ne
50 lekë.Në të gjithë paketën rënduese të taksave, rritja e barrës për cigaret
ishte ajo më pak e kundërshtuara nga publiku. Qeveria tha se të ardhurat shtesë
do i mundësojnë asaj të vërë nën kontroll financat, por edhe të rrisë
shpenzimet për shëndetësinë. Por, shtrenjtimi i çmimeve në treg dy herë më
shumë sesa rritja e taksës do të thotë se gjysma e kostos shtesë që po paguajnë
qytetarët nuk do të shkojë në buxhet apo për spitalet, por shkon si fitim për
tregtarët. Tregu i cigareve në Shqipëri është i dominuar nga disa kompani, të
cilat kanë licencat eskluzive të tregtimit nga prodhuesit e tyre. Për
shkak të specifikave, në shumë vende të Botës shitja e cigareve i nënshtrohet
rregullave të forta. Madje, disa nga vendet, edhe ato të zhvilluara, e mbajnë
tregtimin e tyre si monopol shtetëror ose përcaktojnë çmimin fundor të shitjes.
Ndërsa, në vende të tjera ku tregu është i liberalizuar, qeveritë ushtrojnë
kontrolle të forta për të mos lejuar abuzimet. Në vitin 2008, Zyra për Tregtinë
e Ndershme në Britani fillimisht akuzoi dhe më pas gjobiti me 225 milionë paund
kompanitë më të mëdha të cigareve për fiksim të çmimit në dëm të konsumatorëve
No comments:
Post a Comment