30 July 2015

Tepelenë, aksidenti i rëndë i merr jetën një 25 vjecari

Një aksident tragjik i ka marrë jetën një 25 vjecari nga Tepelena. Ngjarja e rëndë ka ndodhur mëngjesin e sotëm në aksin rrugorë Tepelenë-Bëncë në qytetin e Tepelenës. 

Një automjet i tipit Renault me targë AA634HD ku udhëtonin tre persona ka dalë nga rruga rreth orës 4:30 të së enjtes duke shkaktuar vdekjen e 25 vjeçarit Alfred Muçodemi dhe plagosjen e dy personave të tjerë Leonard Dora 30 vjeç dhe drejtuesi i mjetit 40 vjeçari Avni Baza. Mësohet se këta të fundit janë dërguar menjëherë në spitalin rajonal "Omer Nishani" në Gjirokastër për të marrë mjekimin e nevojshëm dhe ndodhen jashtë rrezikut për jetën.Ndërkohë në vendngjarje kanë mbërritur menjëherë uniformat blu të Tepelenës të cilët po punojnë për zbardhjen e plotë të shkaqeve të ngjarjes dhe rrethanave të aksidentit . Sipas informacioneve paraprake mendohet se drejtuesi i automjetit 40 vjecari Baza i cili ishte nisur nga fshati Veliqot i Tepelenës në drejtim të Tiranës ka humbur kontrollin si pasojë e përgjumjes dhe shpejtësisë tej normave duke sjellë daljen e automjetit nga rruga.Duket se numri i aksidenteve gjatë muajve të verës në vendin tonë janë rritur ndjeshëm.Ky fenomen tregohet edhe nga statistikat e policisë e cila bën me dije se gjatë vitit 2014 muaji më i ngarkuar nga aksidentet ka qënë muaji gusht me 191 aksidente, 32 të vrarë, 29 të plagosur rëndë dhe 191 të lënduar. Por pothuajse po kaq është dhe numri i aksidenteve që kanë ndodhur në muajt qershor dhe korrik një vit më parë.Sipas ekspertëve shkaku kryesore që lidhen me numrin e lartë të aksidenteve lidhet me tejkalimin e shpejtësisë që vjen jo vetëm si pasojë e konsumimit të pijeve alkoolike, por edhe me temperatura të larta të këtyre ditëve duke bërë që  drejtuesit e mjeteve të humbin përqëndrimin.Ndërkohë specialistët u bëjnë thirrje qytetarëve të udhëtojnë me shpejtësi normale dhe jo në oret me temperatura të larta, si dhe të pushojnë në ambiente të freskëta disa herë gjatë udhëtimeve të gjata për të shmangur rastet e aksidenteve.

No comments:

Post a Comment