656 nxënës të rrethit të Gjirokastrës i janë nënshtruar të premten provimit të dytë të detyrueshëm, të maturës shtetërore ,atij të matematikës.Provimi nisi në orën 10.00 dhe zgjati 2 orë e 30 minuta.Kamera e Televizionit Channel 7 u ndal ne shkollën e mesme Pedagogjike ,nxënësit ndiheshin në ankth në këtë provim. “Matematika është prova më e vështirë, pasi bën pjesë në profilin shkencor, ku hasim më vështirësi”,-thanë ata .Sipas urdhërit të MASH në programet orientuese të matematikës, ishte përcaktuar rëndësia që pati secila nga 7 linjat bazë të temave që maturantët kishin përvetësuar për këtë testim.
Funksioni, gjeometria, njehsimi diferencial e integral, si dhe statistika e probabiliteti kishin dhe pjesën më të madhe të pyetjeve te testit te matematikës. Në mënyrë më të detajuar gjeometria, funksioni e njehsimi diferencial kishin 60 për qind të pyetjeve në provimin e matematikës. Kërkesat e provimeve ishin dy llojesh, me zgjedhje të shumëfishtë dhe me shtjellim të argumentuar. Zgjidhja e problemave pati një pjesë të rëndësishme të pyetjeve që plotesoi nxënësi. Testi përmbante pyetje për të tre nivelet e vështirësisë në raportet 40 për qind të pyetjeve në nivelin nën mesatar, 40 për qind për nivelin mestar dhe 20 për qind për nxënësit me rezultatet të larta. Edhe gjatë këtij provimi pati bllokues të valëve të celularit në klasa dhe detektorë për të kapur të gjitha pajisjet elektronike që mund të tentohet të futeshin në ambientet e provimit. Ndërkohë MASH ka veçuar testet e dyshuara për provimin e Letërsisë dhe do të verifikojë nëse ka pasur kopje.Pas provimit të Matematikës, maturantëve u mbeten vetëm provimet me zgjedhje, të cilave do t’u nënshtrohen më 30 qershor. Në këtë mënyrë ata mbyllin një cikël të rëndësishëm në jetën e tyre, për të nisur më pas garën universitare
No comments:
Post a Comment