Minoriteti grek në Gjirokastër ka
protestuar sot kundër vendimit për heqjen e pensionit nga shteti helen.Rreth 150 minoritarë kanë protestuar sot
në fshatin Vrisera të Gjirokastrës duke kërkuar nga qeveria greke, vazhdimin e
ndihmës financiare. Ata nuk e kanë marrë pagesën e tyre prej dy muajsh, një
pagesë prej 330 eurosh në muaj.Greqia e ka ndërprerë përfundimisht
dhënien e ndihmës ekonomike, thënë ndryshe pensionet, për minoritarët që nuk
jetojnë në Greqi; madje ka vënë kusht edhe kthimin e pagesës së dy muajve të
fundit, për shkak të krizës së rëndë që po kalon ky vend. Nga skema e ndihmës
ekonomike përfitonin 19 mijë shtetas shqiptarë të minoritetit grek, që
aktualisht jetojnë në vendin tonë.
Ndërprerja është bërë pas shumë
diskutimesh dhe debatesh në Parlamentin grek, ku protagonist ka qenë edhe
deputeti Pirro Dhima me origjinë nga Himara, që mbështeste vazhdimësinë e kësaj
ndihme.
No comments:
Post a Comment