Ne 17
qershor 2009 edi rama ne studion e tv channel 7 pyetjes se gazetares orjana
cenko se c'fare i ofruat Vangjel Dules te PBDNj me shume se Berisha qe e bindet
te kaloje majtas rama u pergjigj "Rrugen e re te ndryshimit".4 vjet me
vone duket se rruga e re e ndryshimit qe ofron Rama nuk ben me per Vangjel
Dulen perderisa ka vendosur te Afrohet me LSI .Partia e Bashkimit për të
Drejtat e Njeriut nuk do të jetë pjesë e koalicionit të drejtuar nga Partia
Socialiste në zgjedhjet parlamentare të 23 Qershorit. Vendimi është bërë publik
nga Vangjel Dule, i cili ka akuzuar Partinë Socialiste të drejtuar nga Edi Rama
se nuk di të bëjë opozitë. Sipas Dules, dy partitë i bashkonte opozitarizmi
ndaj qeverisë, por PS nuk ka treguar performancë të mirë në këtë drejtim gjatë
viteve të fundit. Krisja e koalicionit mes socialistëve dhe PBDNJ-së duket se
ka lidhje me qëndrimet që ka shfaqur së fundmi kreu i PS-së Edi Rama, i cili ka
lënë të hapur mundësinë e një koalicioni me Aleancën KuqeZi. Gjithashtu Rama
është treguar i ashpër edhe në qëndrimin përsa i takon kufirit detar mes
Shqipërisë dhe Greqisë, duke kundërshtuar marrëveshjen mes dy qeverive.
Ndërkohë,
PBDNJ ka paralajmëruar krijimin e një poli të tretë politik në vend. Mësohet se
PBDNJ ka nisur bisedimet me LSI-në, por gjithcka mes dy partive do të varet nga
pozicioni që do të mbajë partia e drejtuar nga Ilir Meta në lidhje me PDIU-në.
Nëse LSI dhe PDIU do të formësojnë një koalicion mes tyre, atëherë PBDNJ nuk do
të jetë pjesë e një aleance me Ilir Metën. Në të tilla kushte krijimi i një
poli të tretë mund të krijohet mes PBDNJ dhe FRD. Kjo e fundit është treguar e
matur në qëndrimet e saj dhe ish-Presidenti Bamir Topi, aktualisht kryetar i
FRD-së renditet ndër politikanët që ka shmangur tonet nacionaliste në dallim
nga drejtuesit e partive të tjera.
No comments:
Post a Comment