24 November 2014

Te dhurosh gjak shpeton nje jete



Nën moton “Të dhurosh gjak shpëton një jetë” studentët e Universitetit “Eqerem Cabej” në Gjirokastër i janë bashkuar sot nismës së Kryqit të Kuq Shqiptarë për dhurimin e gjakut. Pasi u janë nënshtruar analizave paraprake nga stafi mjekësor, për t’u siguruar nëse i shihnin kandidatë të përshtatshëm për këtë procedure, dhjetëra të rinjë i janë përgjigjur kësaj thirrjeje të ndjeshëm ndaj rëndësisë që mund të marrin disa mililitra gjak për shpëtimin e një jete.
Sipas mjekes në Qendrën Kombëtare të Transfuzionit të Gjakut në Tiranë Dorina Shtylla ndërgjegjësimi i qytetarëve shqiptarë dhe vecanërishte studentëve për dhurimin e gjakut nga viti në vit ka ardhur duke u rritur. Po sipas saj dhurimi i gjakut është i nevojshëm jo vetëm për një kontigjentë të caktuar sic janë talasemikët por edhe për urgjencat të ndryshme që mund të vijnë edhe si pasojë e aksidenteve.Të dhurosh gjak do të thotë të japësh shpresë e të shpëtosh jetë, e për këtë gjithekush prej nesh duhet të jetë humanë. Në vendin tonë nevojat për gjak janë 10 herë më të mëdha se sasia e gjakut që mblidhet, ndërkohë që janë rreth 300 pacientë me talasemi që marrin gjak cdo muaj.

No comments:

Post a Comment