Afati për hyrjen në Greqi të shqiptarëve

Afati për hyrjen në Greqi të shqiptarëve, fëmijët e të cilëve kanë problem me shkrimin e toponimeve greke në pasaportat e tyre është shtyrë deri në fund të shtatorit. Ministria greke e Mbrojtjes së Qytetarit jep një afat të ri, deri më 30 shtator, për kthimin e tyre në Greqi, që ata mund të lëvizin lirisht pa u përballur me pengesa në pikat kufitare greke për shkak të problemeve në pasaportat e tyre. Kështu shqiptarët që kanë problem në pasaporta dhe ende nuk janë kthyer nga Shqipëria kanë afat edhe një muaj për ta bërë këtë, pa hasur pengesa në pikën kufitare.