07 April 2015

Perpjekje per bashkim te minoritetit

                                                                                   

Në takimin e organizuar nga Omonia merrnin pjesë ish kryetarë, ish deputetë përfaqësues të minoriteti grek ndër vite, por edhe politikanë minoritarë, të cilët kanë qenë të distancuar për arsye të ndryshme  nga kjo organizatë, apo kanë qenë të lenë në harresë apo kanë mbështetur  subjekte të tjera politike si Partinë MEGA etj. Takimi u zhvillua pa praninë e medias.Në një deklaratë për mediat Kryetari i Përgjithshëm i Omonias. Leonidha Papa, midis të tjerash tha : “Një Omonia që prodhon politikë, është e domosdoshme jo vetëm për Minoritetin Etnik Grek në Shqipëri, por do thosha edhe për gjithë vendin. Gjatë diskutimit të zhvilluar dhe shkëmbimit të mendimeve u konstatua fryma e bashkëpunimit në kuadrin e Organizatës OMONIA sidomos për zgjedhjet e ardhëshme të pushtetit vendor. U theksua se “para se të kërkojmë e hartojmë aleanca jashtë nesh, të konsolidojmë aleancën brenda nesh, me anëtarët e Minoritetit Etnik Grek”.
Në këtë frymë u shfaqen mendime se nuk ka asnjë arësye pse të kërkojmë “ndihma e mbështetje” për të fituar zgjedhjet në bashkitë e reja të Minoritetit Etnik Grek, por me një mirëkuptim më të gjerë dhe duke mos përjashtuar njeri-tjetrin, në kuadrin e Organizatës OMONIA. Ne nuk kemi nevojë për ndihmesë nga partitë e mëdha. Këtej rrjedh dhe detyrimi i strukturave të Organizatës Etnike të Minoritetit Grek, që të përzgjedhë kandidatura cilësore për pozicionin e kryetarit të Bashkisë si dhe të sigurojë një konsultim të gjerë me të gjithë komunitetin. Omonia nuk mund të jetë  bishti dhe as shtojca e asnjë force politike. Duke respektur historinë, përpjekjet dhe idealet e saj do të vazhdojë të  japë kondributet e veta për të drejtat dhe zhvillim të minoritetit Helen dhe të vendit në përgjithësi”.Ish - deputeti i Omonies në parlamentin shqiptar në vitet 1991-1998, Thoma Miço, ka vlerësuar takimin e Këshillit Politik të Omonies, ndërsa tha se, “…në këto kushte duhet që Omonia të marrë një rol të ri më të përforcuar me qëllim që të ngrihet mbi partitë dhe mbi interesat e vogla të ditës, po t’í drejtohet popullit të vet, pra minoritetit etnik grek me qëllim që ata të plotësojnë objektivat që ka vënë organizata dhe patjetër të zgjidhë gjithë problematikën që ky minoritet mbart gjatë gjithë këtyre viteve”. Pyetjes se: A pati gjë konkrete në këtë mbledhje të parë e këshilluar nga ju Thoma Miço iu përgjigj: “Po sigurisht. Pati mendime që ne të dalim me kandidatë të përbashkët, Omonia, PBDNJ dhe MEGA. Kjo është në diskutim e sipër për daljen me kandidatura të përbashkëta dhe të mos kemi nevojë t’í drejtohemi partive të mëdha shqiptare, me qëllim se i kemi të gjitha mundësitë që në tre bashki, në atë të Himarës, Finiqit dhe Jorgucatit (Dropulli) të futemi me një kandidat të përbashkët me mendimin se në këto tre bashki duke qenë bashkë mund të fitohet fare lehtë nga minoriteti”.Vangjel Papakristo, një tjetër pjesëmarrës në takim pyetjen se, a pati ndonjë kandidaturë apo ndonjë këshillë konkrete e komentoi se: “U vendos që të krijohet një këshill, i cili do të marrë përsipër që të analizojë gjithë propozimet që do të vijnë duke vendosur edhe kritere të përshtatshme në mënyrë që gjithë ata kandidatë që do të venë emrin e tyre për vendin e kryetarit të bashkisë të kalojnë nga ky këshill dhe mbasi të plotësojnë kriteret që ka përcaktuar këshilli atëherë do të kalojnë në Këshillin e Përgjithshëm për t’ú miratuar. Atëherë do të kemi më gjithë mend njerëz të aftë për të drejtuar zonën ose bashkinë”.

No comments:

Post a Comment