Veshtiresi qarkullimi per banoret e Dunavatit

Aksi i brendshëm rrugor që lidh dy lagjet e sipërme të qytetit të Gjirokastër Dunavat i Parë dhe Dunavati i Dytë, ka pësuar një dëmtim në boshtin fizik të saj. Situata është përcjellë në bashki, nga banorët e këtyre lagjeve të cilët vetë, kanë vendosur anës vijës së rrezikshme të rrugës në krahun e majtë të saj, gure të mëdhenj si paralajmërim për të mos kaluar asnjë mjet i rëndë. Ndonëse me mjete rrethanore kanë shmangur rrezikun e mundshëm, gjendja në fakt, është e trashëguar prej muajsh në këtë gjendje dhe prej 13 vitesh me probleme të kësaj natyre.

Terreni fizik në këtë pjesë të rrugës, është i paqëndrueshëm si pasojë e egzistencës së një rjedhe uji nën të cka e bën mjaft të rrezikshëm në mot me shi.
Rreshjet e shiut të rëna ditët e fundit, kanë agravuar situatën aq sa një pjesë e saj me gjatësi gati 20 metër, pësoi ulje vertikale gati në 30 cm nga boshti qëndror i rrugës. Banorët e zonës, pohojnë se situata ka qenë e njëjtë prej muajsh.Ndërkaq të gjendur përballë trysnisë së qytetarëve të lagjeve, Bashkia e Gjirokastrës, ka në plan të implementojë një projekt që do t'i japë fund rrezikut që kërcënon jetën e qytetarëve sidomos të atyre që udhëtojnë me autobuzin e lagjes.Kalimi i automjeteve në këtë aks, ka qenë i pa kërcënuar ndërkohë që në orët e mesditës, ka kaluar edhe autobuzi i lagjes.